Të rinjtë nën efektin e alkoolit shkatërrojnë lokalin
Katër të rinj nën efektin e alkoolit janë konfliktuar midis tyre, duke i dëmtuar edhe lokalin ku po pinin. Ngjarja është regjistruar rreth orës 22:20 minuta në lagjen nr. 17 të Durrësit dy net më parë. Policia lokale bëri me dije sot se ka filluar procedimin penal ndaj shtetasve, A.M. 26 vjeç, E.M. 22 vjeç, K.B. 27 vjeç dhe Xh.K. 25 vjeç, banues në Durrës. “Shtetasit e mësipërm, më datë 15.01.2017, rreth orës 22:20, në lagjen Nr.17, Durrës, në ambientet e një lokali, nën efektin e alkoolit, janë konfliktuar me njëri-tjetrin. Për pasojë, janë dëmtuar lehtë, vetë shtetasit e mësipërm dhe kanë shkaktuar dëme materiale në lokal”, sqaron komunikata. Materialet i kaluan Prokurorisë së Rrethit Gjyqësor Durrës për veprime të mëtejshme.
