Të shtëna me armë zjarri janë raportuar mbrëmjen e sotme në Shkodër. Sipas të dhënave paraprake, të shtënat janë dëgjuar në zonën pranë ish-Fabrikës së Miellit, duke alarmuar banorët e zonës. Deri në këto momente nuk ka informacione për persona të plagosur apo viktima.
Forca të shumta policie kanë mbërritur menjëherë në vendngjarje, ku po kryejnë verifikimet dhe po punojnë për zbardhjen e rrethanave të incidentit.
Shkaqet e ngjarjes mbeten ende të paqarta, ndërsa pritet që në vijim policia të japë një njoftim zyrtar lidhur me rastin.
