Shkencëtarët kanë përgatitur një nga teleskopët më të fuqishëm të Tokës me teknologji të re që do të zbulojë se si u formua galaktika jonë.
Teleskopi William Herschel (WHT) në La Palma, Spanjë do të jetë në gjendje të vëzhgojë 1000 yje në orë derisa të ketë kataloguar gjithsej pesë milionë.
Një pajisje hartografike e shpejtë do të analizojë përbërjen e çdo ylli dhe shpejtësinë me të cilën ai udhëton.Ajo do të tregojë se si u ndërtua galaktika jonë Rruga e Qumështit gjatë miliarda viteve.
Gavin Dalton profesori i Universitetit të Oksfordit ka shpenzuar më shumë se një dekadë duke zhvilluar instrumentin, tw njohur si ‘Weave’.Ka 80,000 pjesë të veçanta dhe është një mrekulli inxhinierike.
Fibra pjese te teleskopit janë në fakt teleskopë të vegjël. Secili kap dritën nga një yll i vetëm dhe e kanalizon atë në një instrument tjetër. Kjo më pas e ndan atë në një spektër ylber, i cili përmban sekretet e origjinës dhe historisë së yllit.
E gjithë kjo përfundon në vetëm një orë. Ndërsa kjo po ndodh, fibrat optike për mijëra yjet e ardhshëm janë pozicionuar në anën e pasme të pllakës, e cila kthehet për të analizuar grupin e ardhshëm të objektivave pasi të ketë përfunduar sondazhi i mëparshëm.
Dr Cecilia Farina, një specialiste instrumentesh në projekt, tha se besonte se Weave do të bënte historinë astronomike.
“Ka një sasi të madhe gjërash që ne do të zbulojmë që nuk e kishim pritur t’i gjenim,” tha ajo. “Sepse Universi është plot surpriza”.
