E dinte që dy shokët e tij kishin 50 mijë euro. Ndaj në bashkëpunim me dy persona të tjerë, të cilët tashmë kanë vuajtur dënimin, thuri planin për t’i grabitur.
Bëhet fjalë për një ngjarje të ndodhur në vitin 2011 në qytetin e Vlorës. Së fundmi në pranga të policisë së Fierit ka përfunduar Elis Kamberaj, 36 vjeç, i cili është dënuar nga Gjykata e Apelit të Vlorës me 1 vit e 4 muaj burg, për veprën penale “Vjedhje me dhunë”. Tek rrethrrotullimi i Savrës, Elis Kamberaj ka tentuar t’i vjedhë me anë të dhunës shumën prej 50 mijë euro 2 shokëve të tij.
