Një nënë është arrestuar në flagrancë pasi bashkë me ushqimet tentoi të fuste në burg edhe 4 aparate celularë për djalin e saj që vuan dënimin. Në pranga përfundoi 51-vjeçarja Olimbi H., banuese në Fier.
Arrestimi i saj u bë në Institucionin e Ekzekutimit të Vendimeve Penale Fier. 51-vjeçarja do të dalë para gjykatës për t’u përballur me akuzat “Futja ose mbajta e sendeve të ndaluara në institucionet e ekzekutimit të vendimit me burgim” e mbetur në tentativë.
