Në kuadër të muajit të ndërgjegjësimit për kancerin e gjirit, në qytetin e Shkodrës u zhvillua një aktivitet sensibilizues me qëllim rritjen e ndërgjegjësimit tek gratë dhe vajzat për rëndësinë e kontrolleve të rregullta shëndetësore. Gjatë aktivitetit, u shpërndanë fletushka informuese dhe u zhvilluan biseda me qytetaret për parandalimin dhe zbulimin e hershëm të kancerit të gjirit. Gratë dhe vajzat pjesëmarrëse theksuan se kontrolli periodik është jetik, duke i këshilluar edhe gratë e tjera të mos neglizhojnë kujdesin për shëndetin e tyre.
Ato shprehën gjithashtu mesazhe shprese dhe solidariteti për të gjitha gratë që po përballen me sëmundjen, duke i inkurajuar të mbeten të forta dhe të mos humbin besimin në shërim.
Ky aktivitet vjen si pjesë e nismave që zhvillohen çdo tetor në mbarë botën për të përçuar mesazhin se “Parandalimi shpëton jetë” dhe se çdo grua duhet të kujdeset për veten.
