Ka përfunduar në raundin e dytë aventura e Teutës në Ligën e Europës. Skuadra durrsake u mund në shtëpi… nga Granada. Që në fillim kishte pa shpresa, por ato u shuan shumë shpejt për të besuarit e Edi Martinit, që u ndëshkuan që në minutën e pestë. Roberto Soldado ndali topin në rrjetë për epërsinë e spanjollëve. Për reagimin e të zotëve të shtëpisë as që bëhet fjalë, ndërsa Granada dyfishoi shifrat në minutën e 10-të. Këtë herë ish-sulmuesi i kombëtares shërbeu për Kenedy që kaloi sërish portierin Frashëri.
Miqtë vranë garën që në pjesën e parë, kur Herrera shënoi edhe golin e tretë në të 31-ën.
Fraksioni i dytë nisi në të njëjtën minutë. Menjëherë pas rikthimit në fushë, Granada plotësoi “pokerin” me golin e dytë personal të Herrera.
Të dorëzuar përfundimisht, durrsakët mbyllën ndeshjen me dhjetë lojtarë pas kartonit të kuq të Fabjan Beqjas në të 80-ën. Në këtë mnyrë, Teuta largohet nga Europa, teksa sipas të gjitha parashikimet në raundin tjetër do të luajë Granada.
