Një operacion i policisë italiane ka çuar në pranga 14 persona, midis të cilëve edhe katër shqiptarë.
Ata akuzohen për trafikun e sasive të mëdha të drogës nga Shqipëria për në Puglia. Hetimet e Guardia di Finanza kanë zbuluar se grupi ishte në gjendje të komunikonte rregullisht me shqiptarët për të organizuar transportin detare të substancave narkotike, futjen në territorin italian kryesisht në brigjet e Brindisit. Masat e sigurisë u dhanë me kërkesë të prokurorit të Leçes dhe atij të Brindisit. Rolin kryesor në grup e kishin dy shtetas italianë.
Shqiptarët e arrestuar janë: Vase Mekshi, 39-vjeç, Shefik Muho, 33 vjeç, Leonard dhe Emiljano Bufi, 36 dje 31 vjeç. Ata akuzohen për trafikun e sasive të mëdha të marshuanës nga Shqipëria. Hetimet ndaj grupit janë zhvilluar që prej muajit gusht të vitit 2016 e deri më sot, ndërsa është zbuluar se pjesë e grupit janë 23 persona, 21 prej të cilëve nën arrest. Gjatë hetimeve operacionit për muaj të tërë janë sekuestruar 3 508 kg marijuanë, me vlerë rreth 35 mln euro. Gjatë operacionit janë sekuestruar edhe armë, gomone dhe pajisje të ndryshme.