Një aksident tragjik ka ndodhur në Nigeri. Si pasojë e këtij aksidenti kanë humbur jetën 30 persona. Sipas një zëdhënësi të qeverisë shtetërore, një autobus u përfshi në aksidentin fatal, i cili u përplas me një automjet tjetër për shkak të drejtimit të pakujdesshëm.
Mediat shkruajnë se aksidentet fatale të trafikut janë veçanërisht të zakonshme në Nigeri, pasi infrastruktura rrugore mbetet e dobët dhe Kodi Rrugor zbatohet dobët. Sipas të dhënave nga Shërbimi Federal i Trafikut (FRSC), në vitin 2023 u regjistruan 9,570 aksidente rrugore në vend, me një numër vdekjesh prej të paktën 5,421, në vendin më të populluar të Afrikës.
Guvernatori i shtetit Kano, Abba Kabir Yousef, ka urdhëruar që të plagosurit të ofrohen trajtim falas në një spital, si dhe masa mbështetëse për familjet e viktimave. Në të njëjtën kohë, ai u bëri thirrje shoferëve, dhe veçanërisht atyre që drejtojnë automjete të rënda, të shmangin drejtimin e pakujdesshëm.
