Vllaznia në futboll për vajza këtë vit bëri historinë si skuadra e parë shqiptare që mbërriti deri në fazën e grupeve në Ligën e Kampioneve. Vajzat kuqeblu sot do të zbresin në fushë për takimin e tyre të fundit ndaj ekipit të Reali Madridit. Në prag të kësaj përballje të rëndësishme trajneri i Vllaznisë Nikolin Lekaj thekson se kjo ndeshje pritet të jetë ndër më të mirat e Vllaznisë.
Sfida Real Madrid – Vllaznia do të zhvillohet ditën e enjte me datë 22 dhjetor në orën 21:00 në Madrid të Spanjës.
