Prej ditesh ne tregjet e fruta perimeve ne qytetin e Shkodres nuk ka shume dilema se çfare perimesh e frutash dominojne tregun ne kete kohe.
Nga sa shihet ne nje vezhgim ne tregjet ku fluksi eshte me i madh mund te thuhet pa frike se ato qe tregtohen aktualisht jane thuajse ne pjesen me te madhe prodhim vendas. Ndonese jashte kamerave vete shitesit ne tregun e fruta-perimeve ne lagjen “Zdrale” bejne me dije se ata furnizohen me mall vendas. Kjo sepse bleresit kerkojne ne shumicen e rasteve perime dhe fruta qe prodhohen ne serat e fermereve shqiptar. Kjo kerkese vjen sepse ata te cilet blejne ndjehen me te sigurte me prodhimet vendase. Duke patur parasysh temeperaturat e larta besimi eshte me i madh tek produkte shqiptare te cilat pelqehen me shume. Duke u krahasuar me fillimin e vitit si shkak i shtimit ne tregje te produkteve vendase mesohet se çmimet kane pesuar nje renie te vogel. Megjithate kjo nuk ndjehet tek konsumatoret e perditshem. Nga ana tjeter duke patur parasysh furnizimin me me shume produkte vendase se sa ne kohen kur tregjet dominoheshin nga malli qe importohej nga vende te ndryshme te Europes, ne shume raste tavolinat e tregtareve mbesin te mbushura me fruta e perime. Ata thone se ka raste kur me shume se gjysma e mallit te nje dite nuk shitet sepse fuqia blerese ka rene. Kjo shpjegohet me situaten ekonomike ne vend ku tashme qytetaret e Shkodres kursejne me shume se ne vitet e kaluara. Tregtaret çdo dite degjojne ankesa te shumta nga bleresit te cilet ne çdo moment kane tendencen e uljes se cmimit, gje e cila shpesh here edhe ndodh si e si per te mos humbur klientelen e perditshme.
