Sytë e bashkësisë ndërkombëtare janë përqendruar në Shtëpinë e Bardhë, ku Donald Trump dhe Benjamin Netanyahu zhvilluan një nga takimet e tyre më kritike lidhur me luftën në Gaza dhe të nesërmen në enklavë. Presidenti amerikan foli për çështje “jashtëzakonisht komplekse” që datojnë shekuj më parë, dhe për këtë arsye bashkëpunimi i palëve të përfshira ishte i vështirë dhe kërkonte një vullnet të fortë për të gjetur një zgjidhje.
“Patëm një bashkëpunim konstruktiv me mikun Netanyahu. Jemi shumë afër një dite të madhe për njerëzimin global. Sot është një ditë historike për paqen. Diskutuam se si t’i japim fund luftës.”
“Do të doja që të afërmit e pengjeve izraelite të dinë se pengjet dhe trupat e viktimave po kthehen menjëherë. Ky do të jetë fillimi i fundit të luftës. Hamasi duhet t’i lirojë pengjet brenda 72 orëve”, tha Trump.
“Nëse Hamasi nuk e pranon këtë propozim, megjithëse ndjenja ime është shumë pozitive, çfarëdo që duhet bërë do të bëhet”, tha Trump. “Ne duam që Gaza të çmilitarizohet menjëherë”, tha Trump, duke thënë se Hamasi duhet të çarmatoset dhe “ne mbështetemi” te vendet aleate për ta rregulluar këtë.
Presidenti amerikan përsëriti se vendet arabe do të ndërmarrin negociata të drejtpërdrejta me Hamasin. Ai theksoi se udhëheqësit janë të përkushtuar për këtë dhe se SHBA-të dhe Izraeli do të presin rezultatet.
“Këshilli i Paqes” do të marrë kontrollin e Gazës nën mbikëqyrjen e vetë Donald Trump, me pjesëmarrjen e Tony Blair dhe personaliteteve të tjera.
Izraeli duhet ta dijë se po i kthejmë në Izrael 20 pengje të gjallë dhe 32 trupa.
Në një pyetje drejtuar nga distanca presidentit amerikan para takimit, ai u kufizua duke deklaruar: “Po, jam shumë optimist”, duke sugjeruar se ka zhvillime që mund të çojnë në një marrëveshje në të ardhmen e afërt. Ndërkohë, kryeministri izraelit Benjamin Netanyahu i kërkoi falje homologut të tij nga Katari për sulmin e nisur nga ushtria izraelite në Doha, në një bisedë telefonike që patën më herët sot nga Shtëpia e Bardhë, tha për Reuters një burim pranë qeverisë izraelite. Thirrja me kryeministrin e Katarit, Sheikh Mohammed bin Abdulrahman al-Thani, erdhi ndërsa Netanyahu takohet me presidentin e SHBA-së, Donald Trump, në Uashington. Një ekip teknik i Katarit është gjithashtu në Shtëpinë e Bardhë, sipas një burimi tjetër të informuar mbi bisedimet.
Plani me 21 pika
Në qendër të bisedimeve është plani 21-pikësh i Donald Trump për paqen në Gaza, pas njohjeve masive të shtetit palestinez nga vende të tilla si Britania, Franca, Kanadaja dhe Australia. Plani kërkon, ndër të tjera, lirimin e të gjithë pengjeve, të gjallë dhe të vdekur, fundin e sulmeve izraelite ndaj Katarit dhe një dialog të ri midis Izraelit dhe palestinezëve për “bashkëjetesë paqësore” . Burime të njohura me diskutimet i thanë ABC Neës se ka ende të paktën tre mosmarrëveshje midis SHBA-së dhe Izraelit mbi planin e paqes të propozuar nga Trump. Të dyja palët thuhet se ende nuk kanë rënë dakord për rolin e Autoritetit Palestinez në Gazën e pasluftës, shkallën e kontrollit të sigurisë nga Izraeli dhe ritmin e afatit të çarmatimit të Hamasit.
