Edhe pse fund shtatori, kalaja Rozafa vijon të frekuentohet nga turistë të shumtë vendas dhe të huaj. Moti I qëndrueshëm dhe temperaturat të larta favorizojnë akoma turizmin në qytetin e Shkodrës. Ashtu si vitet e kaluara, turistët nga Belgjika zënë një vend të konsiderueshëm në numrin e vizitorëve të përvitshëm në kala.
Një prej tyre është edhe Robert Esmet, një turist belg I cili së bashku me miqtë e tij kanë organizuar një tur në të gjithë vendin për dy javë. Ndalesa në Shkodër duket se I ka pëlqyer shumë.
Kalaja Rozafa është një nga monumentet kulturore më të rëndësishme të qytetit të Shkodrës. Pamja piktoreske por edhe historia e këtij monumenti kulture janë dy pika kryesore që vazhdojne të terheqin çdo vit një numër të lartë vizitorësh, kryesisht nga Europa.