Turku i paguan ISIS-it 40 mijë euro që t’i kthejë mbesën e vogël dhe nusen e djalit
Një turk i ka paguar ISIS-it rreth 40 mijë euro për t’i kthyer nusen dhe vajzën e të birit nga Siria, të cilat ishin dërguar në Raqqa në vitin 2014 nga i biri i tij. Turku, i identifikuar si Kemal M., nga provinca Konya, e ka shitur shtëpinë dhe ato para ai ka dhënë përfaqësuesve të ISIS-it në Turqi, për ta kthyer nusen e identifikuar si M., dhe mbesen 3-vjeçare, pasi kishte marrë lajmin se i biri 28-vjeçar ishte vrarë në Raqqa të Sirisë, transmeton Express. “Pasi iu bashkuan ISIS-it, në katër muajt e parë, flisja shpesh me birin dhe nusen. Shpesh iu lutesha që të ktheheshin, por kurrë s’ia dola t’i bindja,” ka thënë Kemal. Ai shtoi se një ditë mori një telefonatë që i tha se i biri iu ishte vrarë dhe se nusja dhe mbesa ishin mirë. Pas kësaj, ai shiti shtëpinë dhe me ato para ia doli t’i kthejë ato në Turqi
