Këtë të shtunë, u mbajt rituali i përvitshëm i “Udhës së Kryqit”, nga fshati i Paqes deri në malin e Taraboshit, në prag të festës së Pashkëve. Dhjetëra besimtarë katolikë morën pjesë në këtë rit simbolik, duke ndjekur 14 ndalesat që përkujtojnë vuajtjet e Jezu Krishtit drejt kryqëzimit. Ipeshkvi i Shkodrës, Imzot Giovanni Peragine ndau një mesazh të fortë për familjen, duke theksuar vështirësitë me të cilat përballen sot shumë prindër. Ai u ndal te problemet ekonomike, mungesa e dialogut dhe ndarjet familjare, që sipas tij po bëhen gjithnjë e më të shpeshta.
“Udha e Kryqit” mbetet një ritual i rëndësishëm shpirtëror që përcjell mesazhe reflektimi dhe shprese, në prag të festës së Pashkëve.
