Punimet në ujësjellësin e Bardhajve po vijojnë me ritëm të shpejtë .
Në një pjesë të këtij fshati është bërë i mundur instalimi i rrjetit të tubacioneve ndërsa tubat janë vendosur edhe pranë banesave
Ndërsa puna po vijon edhe në hapjen e kanalizimeve të reja në brendësi të kësaj zone
Banorët e Bardhajve shpresojnë se pas përfundimit të projektit, furnizimi me ujë i fshatit do të jetë më i rregullt dhe i qëndrueshëm.
Në total, janë parashikuar rreth 800 lidhje familjare në Bardhaj e Bleran ku uji do të ofrohet në parametra cilësorë dhe do të jetë i bollshëm 24 orë duke i dhënë kështu fund kalvarit të mungesës së ujit të pijshëm për zonën e Bardhajve dhe Bleranit.
Sipas planit të punimeve, pritet që faza aktuale të përfundojë brenda disa muajsh, ndërsa investimi përfshin gjithashtu rikonstruksionin e rrjetit të vjetër dhe ndërhyrje në zonat ku ishin probleme me rrjedhjet ose dëmtimet.
