Kryeministri Edi Rama nga Vau i Dejës ku inspektoi nga afër ujësjellësin e ri, që do të sigurojë ujë të pijshëm për këtë bashki, theksoi se kjo është hera e fundit që kjo çështje përdoret si temë në fushata elektorale.

Ai tha se brenda vitit 2022 qendrat urbane në Shqipëri do të kenë 24 orë ujë të pijshëm, ndërsa për Tiranën theksoi se çështja është më komplekse.

“Objektivi është i qartë. Ne jemi në gjendje sot të themi se në qendrat urbane të Shqipërisë të kemi brenda 2022, 24 orë ujë të pijshëm.

Tirana brenda 2022-2023, pasi çështja është më komplekse. Është hera e fundit çështja e ujit, do që të jetë temë e fushatave. Do zgjidhet në herë e mirë kjo çështje. Është gjëja më e sigurt.”, tha Rama.