Tre ndeshje, 3 fitore për kombëtaren shqiptare të femrave U-16 në kompeticionin Uefa Development.
Ekipi i drejtuar nga Agustin Kola triumfoi në përballjen me Malin e Zi ditën e sotme me rezultatin bindës 5-2, një ndeshje që u zhvillua në impiantin “Air Albania Stadium”.
Ishin vajzat kuqezi që zhbllokuan shifrat në minutën e 28″ me anë të Qoses ndërkohë që vetëm dy minuta më vonë shënoi Toskovic.
Por kjo nuk i ka trembur vajzat e kombëtares të cilat shënuan sërish në minutat 34″ me Coka dhe vetëm një minutë nga fundi i pjesës së parë me anë të Tanushit.
Pjesa e dytë nisi me vrull të skuadrës së Malit të Zi që tentuan disa herë drejtë portës por pa patur konkretizim.
Në minutën e 70″ Habili shënoi dhe golin e 4 për përfaqësuesen e Shqipërisë duke siguruar një hap drejt fitores së tretë rradhazi.
Mali i Zi arriti të reagojë sërish me anë të Toskovic në minutën e 77″, duke ngushtuar rezultatin. Në të 89″ Puca shënoi golin e knockoutit duke i dhuruar Shqipërisë vendin e parë në renditjen e Uefa Development Tournament.
Pikët e grumbulluara:
Shqipëria 9
Lituania 5
Mali i Zi 3
Gjeorgjia 1
Ky turne i sjellë për herë të parë në Shqipëri nga FSHF në bashkëpunim me qeverinë evropiane të futbollit ka kapur interesin e mijëra tifozëve të rinj të cilët i kanë ndjekur ndeshjet me shumë interes në staiumet “Elbasan Arena” dhe “Air Albania”.
