Tërmeti shaktërrues i 26 Nëntorit nuk ka kaluar pa pasoja as në qarkun e Shkodrës. Në fshatin Rrjoll në njësinë administrative Velipojë tërmeti ka dëmtuar disa shtëpi, të cilat kanë pësuar carje në pjesën e mureve dhe tavani. Orët e tmerrit të asaj dite i ka përjetuar edhe familja e Lek Gjelaj në Rrjoll . Dy të moshuarit teksa rrëfejnë momentet kur ka rënë tërmeti, thonë se ndihen të frikësuar të kalojnë netët në këtë shtëpi
Ndërsa gruaja e shtëpisë Mara Gjelaj me lot në sy tregon se i ka ngulitur në mendje ato momente, ku lëkundja e tërmetit sic thotë ajo mund të shkaktonte edhe ndonjë ngjarje më të rëndë pasi ka qënë tepër e forte.
Vetëm 20 metra larg ndodhet shtëpia e Tonin Gjelaj.Edhe kjo banesë ka dëmtime.Muret kanë pësuar plasaritje ndërsa tavani i amortizuar rrezikon ti zërë brenda
Pas këtyre dëmeve materiale në disa banesa në Velipojë ditën e Hënë pritet që inxhinierët të verifikojnë nga afër gjendjen e shtëpive të dëmtuara , e më pas të bëjnë vlerësimin nëse janë apo jo të banueshme. Familja Gjelaj është një nga më të dëmtuarat në zonën e Velipojës
