Vllaznia ka zyrtarizuar afrimin e portierit moldav Kristian Avram, i cili do të jetë pjesë e skuadrës shkodrane për sezonin e ri 2026–2027. Gardiani 32-vjeçar ka firmosur kontratë dy-vjeçare me kuqeblutë, duke u bërë kështu një tjetër përforcim i skuadrës në këtë merkato. Avram vjen në Shkodër pas eksperiencës me Petrocub në Moldavi, skuadër me të cilën këtë verë u përball edhe me Egnatian në arenën europiane. Portieri moldav ka një eksperiencë të konsiderueshme dhe pritet të sjellë më shumë konkurrencë në repartin e portës. Transferimi i tij te Vllaznia është kryer si lojtar i lirë, ndërsa tashmë Avram është bashkuar me skuadrën në përgatitjet për sezonin e ri. Afrimi i tij është një tjetër lëvizje e drejtuesve shkodranë për të kompletuar organikën, teksa objektivi është ndërtimi i një skuadre sa më konkurruese. Avram ka edhe eksperiencë me Kombëtaren e Moldavisë, ndërsa në karrierën e tij ka luajtur edhe jashtë vendit.
Përvoja e tij pritet të jetë një vlerë e shtuar për Vllazninë, sidomos në një sezon ku kuqeblutë synojnë të jenë sërish në garë për objektivat madhorë. Në repartin e portës, Vllaznia ka pasur nevojë për alternativa dhe konkurrencë, ndërsa ardhja e një gardiani me eksperiencë ndërkombëtare i jep stafit teknik një tjetër mundësi zgjedhjeje. Trajneri Edi Martini tashmë ka një tjetër alternativë për portën dhe mbetet për t’u parë nëse Kristian Avram do ta nisë sezonin si titullar.
Gjasat janë që portieri moldav të jetë në dispozicion që në ndeshjen e parë të kampionatit ndaj Skënderbeut. Për Vllazninë, kjo është një tjetër lëvizje në një merkato ku objektivi kryesor është ndërtimi i një skuadre sa më konkurruese. Kuqeblutë duan ta nisin sezonin e ri me ambicie të qarta dhe për këtë arsye drejtuesit po tentojnë të përforcojnë çdo repart. Me Kristian Avram tashmë në skuadër, porta e Vllaznisë merr një alternativë të re dhe me eksperiencë, ndërsa konkurrenca për vendin e titullarit pritet të jetë e fortë gjatë gjithë sezonit. Tashmë, fjala i mbetet fushës për të treguar nëse portieri moldav do të arrijë të bindë që në start dhe të marrë një rol të rëndësishëm në formacionin e Edi Martinit.
https://youtu.be/hSJ-c3oUpDc
