Një ngjarje e rëndë ka ndodhur në orët e para të mëngjesit të sotëm në Vlorë, ku dy persona janë djegur në banesën e tyre, duke humbur jetën. Ngjarja ka ndodhur në afërsi të Pyllit të Sodës në lagjen “1 Maji”, ku kanë gjetur vdekjen shtetasit Selkie Hoxhallari, 70 vjeçe dhe djali i saj, Olsi Hoxhallari, 45 vjeç me origjinë nga Korça. Burime nga zjarrfikësja e Vlorës bëjnë me dije se trupat e tyre janë shkrumbuar totalisht.
“Nga veprimet e para të kryera nga grupi hetimor dyshohet se zjarri në banesë mund të jetë shkaktuar aksidentalisht , ku për pasojë janë djegur e kanë ndërruar jetë nënë e bir, shtetasit S.H., rreth 73 vjeçe dhe N.H., rreth 43 vjeç.
Trupat e pajetë janë transportuar në morgun e Spitalit Rajonal Vlorë”, sqaron policia.
Grupi hetimor po vijon punën për zbardhjen e plotë të rrethanave të ngjarjes.
Ende nuk dihen motivet e rënies së zjarrit në banesën e tyre, ndërsa dyshohet se mund të jetë shkaktuar nga ndonjë cigare apo zjarri që shërbente për t’u ngrohur.
