Vendi ynë edhe këtë të enjte do të jetë nën ndikimin e kushteve atmosferike të paqëndrueshme për shkak të masave ajrore të lagështa me origjinë jugperëndimore.
Sipas Shërbimit Meteorologjik Ushtarak vranësirat do të dominojnë që ne orët e para të ditës.
Në mesditë dhe pasdite vranësirat e dendura do të shoqërohen me reshje shiu të herëpashershme të dobëta dhe lokale dhe kryesisht në zonën e veriut dhe qendrës.
Temperaturat maksimale do të shënojnë vlerën 26 gradë celcius në Elbasan dhe Berat.
Era do të fryjë me drejtim veriperëndim – jugperëndim me shpejtësi mesatare 7 m/s, ndërsa përgjatë vijës bregdetare e lugina era fitoi shpejtësi deri në 14 m/s.
Valëzimi në dete do të jetë i forcës 1-2 ballë.
