Xhihadistët kërkojnë 20-vjeçarë dhe kryesisht femra për sulmet vetëvrasëse në Evropë

Xhihadistët që përpiqen të kryejnë sulme terroriste në Evropë po përpiqen të rekrutojnë të rinj dhe shumë prej tyre janë gra si kurrë më parë, njoftoi agjensia kryesore evropiane e zbatimit të ligjit “Europol” në një raport të ri të lëshuar të enjten. Vitin e kaluar në Evropë, policia arrestoi 718 terroristë të dyshuar xhihadistë, një rritje me dyfish krahasuar me 395 të arrestuar në vitin 2014. Sipas raportit nga të arrestuarit pothuajse një e treta ishin nën moshën 25 vjeçare dhe rreth një e katërta e tyre ishin gra. Xhihadistët e kthyer nga fushat e betejës në Siri dhe Irak përbëjnë një tjetër kërcënim të madh për Bashkimin Evropian. Autoritetet i druhen përdorimit sësisht të eksplozivëve me dronë që kanë ndodhur më parë në Evropë. Me qëllimin për të luftuar kërcënimin në rritje të dhunës xhihadiste në Europë, udhëheqësit e BE-së thonë se ndarja e informacionit ndërkufitar do të bëhet gjithnjë e më e rëndësishme në vitet në vijim. “Lufta kundër terrorizmit do të mbetet në krye të prioriteteve tona të përbashkëta politike në vazhdim jo vetëm në Evropë, por në nivel botëror”, tha komisioneri i BE-së për emigracionin Dimitris Avramopulos. “Për sigurinë e qytetarëve tanë dhe për kohezionin e shoqërive tona, duhet të rrisim shkëmbimin e informacionit dhe bashkëpunimin tonë ndërkufitar në të gjitha nivelet”, tha ai. Në raportin e “Europol-it” thuhet se grupet xhihadiste janë bërë më të sofistikuara në përdorimin e rrjeteve sociale për të përhapur mesazhet e tyre dhe për të rekrutuar ndjekës. Shteti Islamik ka ulur frekuencën e prodhimit të videove ndërsa përpiqet të ruajë kontrollin mbi kalifatin e vetëshpallur në Siri dhe Irak. Sipas raportit, më pak xhihadistë po udhëtojnë për të luftuar në Siri, pasi IS-isi ka humbur kontrollin e territoreve që zotëronte dikur, gjë që mund të duket si një zhvillim pozitiv, por që gjithashtu paraqet një kërcënim në rritje prej xhihadistëve që kthehen në Evropë dhe ata që nuk lejoheshin në Siri. “Numri i të kthyerve pritet të rritet, nëse IS-isi, ashtu siç dhe duket, mund të mposhtet ushtarakisht ose të shkatërrohet. Një numër në rritje i të kthyerve ka të ngjarë të forcojnë lëvizjet xhihadiste të brendëshme dhe si rrjedhojë të rrisë kërcënimin që ata paraqesin për Bashkimin Evropian”, thuhet në raport.

Artikulli paraprakZGJEDHJET, DEMIRAJ MBLEDH DREJTUESIT E POLICISË
Artikulli tjetërDONALD LU TAKON 4 GAZETARËT E PADITUR NGA GJYQTARI GJIN GJONI SHBA: BETEJA JUAJ ËSHTË BETEJA JONË