Policia ka arritur te zbardhe plagosjen ndodhur paraditen e se premtes ne zonen e Fushe-Kuqes ne Kurbin.Sipas bluve pas veprimeve hetimore te kryera, ka rezultuar se shtetasi Akil Tahiri është konfliktuar, për motive të dobëta, me shtetasin Fation Cobelita (alias Fation Staka) i cili dyshohet se ka plagosur 35-vjeçarin.Ndërsa shtetasi Renato Marku 26 vjeç, ka shoqëruar në spital 35-vjeçarin dhe më pas është larguar, duke braktisur automjetin me të cilin udhëtonte.
Po nga veprimet rezulton se, rreth orës 10:20, në spitalin e Laçit ka mbërritur i plagosur në këmbë me armë zjarri (pistoletë) 35-vjeçari dhe mjeku roje nuk ka njoftuar shërbimet e Policisë, por e ka dërguar për mjekim në Spitalin e Traumës, Tiranë.Në përfundim të veprimeve të para hetimore, u bë shpallja në kërkim e shtetasve Fation Cobelita (alias Fation Staka) 40 vjeç, banues në fshatin Gorre, Kurbin, për veprat penale “Plagosje e rëndë me dashje” dhe “Mbajtja pa leje dhe prodhimi i armëve, armëve shpërthyese dhe i municionit” si dhe shetasi Renato Marku 26 vjeç, banues në të njëjtin fshat, për veprën penale “Moskallëzimi i krimit”.
Gjithashtu, u procedua penalisht në gjendje të lirë shtetasi A. I., 58 vjeç, banues në Kurbin, për veprën penale “Shpërdorimi i detyrës”, pasi nuk ka kryer detyrën e tij funksionale.
Në bashkëpunim me organin e akuzes vijon puna për dokumentimin e plotë ligjor të rastit, ndersa materialet procedurale i janë referuar Prokurorisë pranë Gjykatës së Juridiksionit të Përgjithshëm Lezhë, për veprime të mëtejshme.
