Një aksion i Policisë ka çuar në zbulimin e mbi 7 mijë bimëve të dyshuara narkotike në fshatin Reç i Ri, në njësinë administrative Velipojë.
Pas rastit, Drejtori Vendor i Policisë Shkodër, Skënder Hita, ka vendosur pezullimin nga detyra të tre punonjësve të policisë, të cilët kishin përgjegjësi për territorin ku u konstatuan bimët narkotike.
Të pezulluarit janë:
Kryekomisar Bekim Lika, Shef i Komisariatit të Policisë Shkodër;
Nënkomisar Zef Marku, Shef i Stacionit të Policisë Velipojë;
Inspektor Samet Kadroji, Ndihmësspecialist i Policimit në Zonë (SPZ), përgjegjës për zonën ku u gjetën bimët narkotike.
