Një nxënës ka mbetur i plagosur në shkollën “Antoni Athanas” në lagjen Nr. 3 të qytetit të Sarandës.
Policia bën me dije se ngjarja ka ndodhur pas konfliktit midis dy nxënësve rreth orës 11:00 të ditës së sotme, ku një 16 vjeçar ka plagosur me thikë një 18 vjeçar. “Policia ka shkuar menjëherë në vendngjarje dhe ka konstatuar se në Shkollën e Mesme Ekonomike “Antoni Athanas” në lagjen nr.3 Sarandë, dyshohet se shtetasi A.D., 16 vjeç (nxënës i vitit të 1-rë) pas një konflikti për motive të dobëta brenda ambienteve të shkollës, ka qëlluar me mjet prerës “biçak” në kofshën e majtë, shtetasin D.K., 18 vjeç (nxënës i vitit të 3-të), i cili ndodhet në Spitalin e Sarandës, jashtë rrezikut për jetën”, thuhet në njoftim. Policia ka shoqëruar autorin e dyshuar shtetasin A.D, me të cilin po punohet për sqarimin e rrethanave të konfliktit.
