Konservatorët e opozitës kroate kanë shpallur fitoren në zgjedhjet parlamentare, por përballen me sfidën e formimit të qeverisë.  

Sipas reuzultateve të pjesshme, partia HDZ ka fituat 60 mandate, më shumë se aleanca qeverisëse e udhëhequr nga socialdemokratët e cila ka marrë 50 mandate. Pritet që konservatorët të nisin negociatat për formimin e qeverisë, në një vend ku kriza e klandestinëve është kthyer në çështjen themelore. Mbi 320 mijë refugjatë kanë kaluar nëpërmjet Kroacisë gjatë këtij viti në rrugën e tyre për të arritur perëndimin e Europës. Kreu i  HDZ, Tomislav Karamarko në një fjalim para mbështetësve tha se fitorja tashmë i ka dhënë partisë së tij edhe përgjegjësinë për të drejtuar vendin në një moment të vështirë. Por fituesi i madh i këtyre zgjedhjeve duke se është aleanca e kandidatëve të pavarur, e njohur më së shumti si ura,  e cila është renditur forcë e tretë në zgjedhje dhe që pritet të kërkojë rreth 19 vende. Përpos krizës së klandestinëve, qeveria e ardhshme përballet edhe me një ekonomi të dobët, me një papunësi që shkon deri në 15.4 përqind, ndër më të lartat në Bashkimin Europian, pas Greqisë dhe Spanjës.