Informacioni për platformat e kandidatëve për zgjedhjet e përgjithshme që do të mbahen me 11 maj nga ana e qytetarëve duket se është i ulët. Mungesa e informacionit specifik për platformat e kandidatëve dhe njohja e qytetarëve me to duket se vjen si shkak i mos interesit të tyre për zgjedhjet që po afrojnë. Po cfarë presin qytetarët nga këto zgjedhje ?
Janë 11 subjektet zgjedhore, parti e koalicione të cilët kanë regjistruar pranë KQZ listat e kandidatëve për deputet për zgjedhjet politike.
Beteja kryesore mbetet mes Partisë Socialiste e cila synon mandatin e 4 dhe Partisë Demokratike, ku kryetari Berisha ka ndërtuar një koalicion të madh në numra me disa parti opozitare.
