Një vatër zjarri është aktivizuar mesditën e kësaj të Diele në një grumbull mbeturinash në Ish-Zonën Industriale të Shkodrës, duke shkaktuar shqetësim për banorët e zonës.
Menjëherë pas marrjes së njoftimit, në vendngjarje kanë mbërritur forcat zjarrfikëse, të cilat kanë ndërhyrë për të vënë situatën nën kontroll dhe po punojnë për shuarjen e plotë të flakëve.
Sipas të dhënave paraprake, dyshohet se zjarri ka nisur në një grumbull mbeturinash, ndërsa shkaqet e rënies së tij mbeten ende të paqarta.
Ndërkohë, policia ka nisur hetimet për të zbardhur rrethanat e ngjarjes dhe për të përcaktuar shkakun që çoi në përhapjen e flakëve. Fatmirësisht, deri më tani nuk raportohet për persona të lënduar.
