Zjarri përfshin dy banesa ,dëme materiale

Flakët e zjarrit kanë përfshirë dy banesa në lagjen 5 maji në Elbasan. Banesa është në pronësi të shtetasit Ali Çili. Zjarrfikëset kanë shkuar në vendin e ngjarjes dhe po punojnë për lokalizimin dhe fikjen e flakëve. Zjarri rrezikon të përfshijë edhe banesa të tjera e po punohet për fikjen e tij. Dëme në njerëz nuk ka por dëmet materiale janë të konsiderueshme. Sipas të dhënave të para shkak i zjarrit mund të ketë qenë një shkëndijë elektrike pasi gjatë paradites në këtë lagje ka pasur kufizime të saj.