Benzi përmbyset me rrota përpjetë, shoferi shpëton gjallë
Një makinë është përmbysur sot në mesditë në rrugën “Hoxha Tahsim”. Shoferi i mjetit me iniciale F.K. u plagos dhe u dërgua menjëherë në spital, ku mësohet se është jashtë rrezikut për jetën. Salla Operative e Policisë u njoftua në orën 12:35 me një telefonatë se një mjet ishte përmbysur në rrugën në fjalë. Nga hetimi paraprak rezultoi se mjeti me drejtues shtetasin K.D. ishte përplasur me mjetin e F.K e si pasojë, i dyti u përmbys. Policia tani po heton për shkaqet dhe rrethanat e përplasjes së mjeteve.
