Agjencia për Zhvillimin Bujqësor dhe Rural ka financuar për ndërtimin e serave 244 fermerë në vlerën totale që arrin në 232 milionë lekë në vitin 2018. Ndërkohë që skema e mbështetjes financoi 50% të vlerës së investimit në sera që arrin shumën deri në 150 milionë lekë për hektar, të mbjellë në sera.
Sot prodhimi i perimeve në sera përfaqëson 22% të prodhimit total të perimeve në Shqipëri. Ndërsa prodhimi i bollshëm i këtij sektori jo vetëm plotëson kërkesat e tregut vendas por po zgjeron gjeografinë e vendeve për eksport. Sipas të dhënave zyrtare nga INSTAT, në vitin 2018, prodhimi i perimeve në Shqipëri arriti në 1.166.283 ton. Niveli më i lartë i prodhimit të perimeve është në qarqet Fier me 418.921 ton, Tiranë me 127.176 ton dhe Berat me 118.687 ton.
Ndërkohë që eksportet e perimeve shkojnë në vendet e rajonit dhe ato europiane si Spanjë, Greqi, Gjermani, Poloni etj
