Ambasadori i Bashkimit Europian në Tiranë, Luigi Soreca ka takuar ditën e sotme, kryetaren e Këshillit të Lartë Gjyqësor, Naureda Llagami.
Në një postim në rrjetet sociale, Soreca thotë se në fokus të takimit ka qenë ngritja e Gjykatës së SPAK dhe zgjedhja e gjyqtarëve të Gjykatës së Lartë.
“Ne diskutuam ngritjen e gjykatës së SPAK-ut, zgjedhjen e gjyqtarëve të Gjykatës së Lartë dhe numrin e kandidatëve për Shkollën e Magjistraturës” shkruan Soreca në rrjetet sociale.
Në datën 6 shkurt është afati i fundit për aplikimet për t’u bërë pjesë e SPAK, ose siç njihet ndryshe Prokuroria e Posaçme Anti-Korrupsion. Deri më tani, interesi për SPAK është i ulët pasi ka vetëm dy aplikime.
