Presidenti aktual i Federatës Shqiptare të Futbollit Armand Duka ka bërë publike në faqen e tij zyrtare rikandidimin për kreun e futbollit në vend. Ai ka vendosur të bëjë një gjë të tillë pikërisht ditën kur pritet të zyrtarizohet edhe rivali i tij në këtë garë, i cili është deputeti Bashkim Fino
Duka në postimin e tij në rrjete sociale si FaceBook dhe Instagram shkruan: “Ndihem jo vetëm i detyruar por mbi të gjtha i vlerësuar dhe i respektuar që një pjesë e konsiderueshme e komunitetit të futbollit dhe anëtarëve të Federatës Shqiptare të Futbollit ka kërkuar rikandidimin tim në rolin e Presidentit të ketij institucioni.
Pas konsultave me faktorë të rëndësishëm dhe grupe interesi që përfaqësojnë të gjjtha kategoritë, moshat dhe gjinitë vendosa të rikandidoj i bindur se të gjthë bashkë përfshirë dhe ju që nuk keni të drejtë vote mund të vazhdojmë se bashku një rrugë e cila në mënyrë të pashmangshme na ka dërguar te progresi.
Masivizimi i futbollit, fëmijët, të rinjtë, femrat, rezultatet e skuadrës Kombëtare me objektivin madhor për kualifikimin në EURO 2020 dhe Kupën e Botës 2022, arritjet e klubeve në arenën ndërkombëtare, politikat e futbollit dhe e ardhmja e garantuar më japin besim se sërish do vendosim për një futboll shqiptar gjjthnjë e më të mirë. Që nga ky moment jam në dispozicion te të gjjthë anëtarëve te Asamblesë Zgjedhore. Me respekt Armand Duka Kujtojmë që zgjedhjet për kreun e ardhshëm të Federatës Shqiptare të Futbollit do të mbahen në datën 7 shkurt të 2018-ës
