Në bashkëbisedimin me anëtarësinë e Fierit në garën për kryetar të Partisë Demokratike, Lulzim Basha analizoi rezultatin e zgjedhjeve të 25 qershorit.
Duke akuzuar kryeministrin Edi Rama se i bleu këto zgjedhje, Basha tha më tej se edhe administrata u përfshi në zgjedhje për të kryer favore për pushtetin. Nga Fier ku po zhvillon garën për kryetar të Partisë Demokratike, Lulzim Basha ka analizuar rezultatin e zgjedhjeve të 25 qershor, ku forca e tij politike pësoi një disfatë duke marrë vetëm 43 deputetë në të gjithë vendin. Basha nuk i kurseu akuzat në drejtim të kundërshtarit të tij politik, Edi Rama, duke thënë se bleu zgjedhjet duke filluar që nga votuesit e tij që nuk i kishte sistemuar me favore. Lulzim Basha e zhvillon këtë garë përballë Eduart Selamit, ish-krytarit e PD-së deri në vitin 1995 që kërkon edhe një mundësi nga demokratët, për të vazhduar atë që ndërpreu 22 vite më parë.