Biznesi kundër “Dhomave të Tregëtisë”: Praktikë e marrjes me dhunë
Ligji i Dhomave të Tregtisë i miratuar dje në Parlament kundërshtohet në bllok nga Dhomat e huaja të Biznesit në vend. Dhoma Amerikane e Tregtisë dhe Industrisë argumenton se ai cënon lirinë e biznesit duke e detyruar me praktika dhune të jetë pjesë e Dhomave të Tregëtisë një institucion qe pritet të ndertohet bazuar në këtë draft.Kreu i Komisionit Parlamentar të Veprimtarisë Prodhuese vetëm një dite pas miratimit të ligjit thotë se ai pritet të ndryshojë pas 6 muajve. Ligji i Dhomave të Tregtisë që u miratua në Parlament është kundërshtuar nga përfaqësuesit e biznesit të huaj në Shqipëri. Dhoma Amerikane Tregtisë argumenton se pavarësisht ndryshimeve të bëra ligji cënon lirinë e biznesit dhe e detyron të anëtarësohet kundër vullnetit në Dhomën e Përbashkët të Tregëtisë që parashikohet të ngrihet përmes këtij ligji. Qëndrimi i Dhomës Amerikane është që çdo biznes duhet të ketë lirinë e garantuar në Kushtetutë që të jetë pjesë e organizatave që dëshiron ta përfaqësojnë, duke përfshirë këtu edhe të drejtën për të mos qenë pjesë e asnjë prej tyre. Po ashtu Dhoma Britanike e kundërshton miratimin e ligjit të Dhomave të Tregtisë. Në një njoftim për mediat thuhet se anëtarësimi i detyruar është një kosto ekstra mbi biznesin dhe një detyrim që mbi të gjitha krijon ndjesinë e të qënit në fuqi të sistemit të marrjes me dhunë, pasi ky ligj nuk i detyron dhomat lokale ti ofrojnë diçka në këmbim të biznesit. Shalsi: Ligji nevojë për përfaqësimin e biznesit Por për kreun e Komisionit të Veprimtarisë Prodhuese, Eduard Shalsi, ligji është i domosdoshëm për një përfaqësim real të nevojave të sipërmarrjes në vend. Shalsi: Konsolidimin e përfaqësimit në një strukturë e cila do të ketë degët e saj në të gjithë Shqipërinë do t’i japë mundësinë të gjithë bizneseve që të kenë një zë të përfaqësohen pa qenë të diskriminuar, pa kurrfarë paragjykimi. Kuota vjetore e anëtarësimit në dhomë për të gjithë personat juridik është jo më pak se 3.000 lekë dhe jo më shumë se 100. 000 lekë në vit.
