Turneu ndërkombëtar i boksit “Memorial Vllaznia 2017” ka hapur siparin në qytetin e Shkodrës. Në ditën e parë u rezervuan 7 ndeshje ku Shqipëria pati 3 përballje.
Boksierët shqiptar arritën të fitojnë dy prej ndeshjeve me Arjon Kajoshin dhe Indrit Laçin ndërsa humbi Vuksan Guri. Trajneri i kombëtares Zef Gjoni shprehet se boksierët shqiptar bënë një paraqitje të mirë në ditën e parë. Indrit Laçi është boksieri që bëri surprizën në peshën 81 kilogram duke fituar ndaj bullgarit Naydenov Blagoy i cili është shpallur kampion i botës për 18 vjeçarët.
Në ditën e parë kombëtarja e Bullgarisë mori 4 fitore, Shqipëria dy dhe Kosova një fitore. Në ditën finale pritet që të ketë një rivalitet më të madh dhe ndeshje të forta në ring.