Nën moton “Dhuro jetë për festa” Kryqi i Kuq në bashkëpunim me organizatën Eko Mendje kanë ndërmarrë një nismë vullnetare për sensibilizimin e shoqërisë gjatë festave të fundvitit.
Koordinatorja e projektit tha se dhurata më domethënëse gjatë këtyre festave është gjaku. Për dhurimin e gjakut në raste emergjente është ngritur tashmë edhe një grup donatorësh të gatshëm. Gjatë kësaj fushate sensibilizimi, dhurues kryesor ishin studentët e fakultetit ekonomik pranë universitetit Luigj Gurakuqi, por nuk munguan edhe qytetarë të tjerë të Shkodrës.
