Një person në Tiranë është gjetur i vdekur në zonën e “Freskut”.Sipas informacioneve të para, mësohet se një kabinë elektrike në “Rrugën Muhamet Deliu” ka marrë flakë dhe personi, ende i paidentifikuar nga Policia, ka pësuar djegie duke humbur jetën.
“Rreth orës 21:55, në rrugën ‘Muhamet Deliu’ pranë pallatit “Zaimaj”, brenda kabinës elektrike nga zjarri i shkaktuar është djegur plotësisht një shtetas i paidentifikuar”, njoftoi Policia.
Për shkak të zjarrit në kabinë, ka pasur edhe probleme me furnizimin me energji në zonën përreth.
Jetmir Sadiku 27 vjeç, është personi që u gjet i djegur mbrëmjen e djeshme në një kabinë eletrike në “Rrugën Muhamet Deliu”, në zonën e Freskut në kryeqytet.
Burime pranë grupit hetimor thanë se sipas hetimeve paraprake, ngjarja dyshohet të jetë aksidentale, ndërsa materialet hetimore janë referuar në Prokurorinë e rrethit. Ekspertiza mbi kufomën pritet të hedhë më shumë dritë rreth ngjarjes.