Një krim i rëndë ka ndodhur në Zvicër, ku babai ka vrarë vajzën 12-vjeçe e më pas veten. Vrasja ndodhi në Rapperswil-Jona dhe në bazë të gjetjeve fillestare, policia dyshon se babai 54-vjeç vrau vajzën e tij dymbëdhjetë vjeçare dhe më pas veten.
Megjithatë rrethanat sesi ka ndodhur krimi janë ende të paqarta dhe po hetohet në lidhje me rastin. Nëna dhe fëmija më i madh, nuk ishin në shtëpi në kohën kur ndodhi krimi dhe tashme janë nën kujdes psikologjik.
Rrethanat e vrasjes janë duke u hetuar nën drejtimin e prokurorit publik të kantonit St.Gallen, Institutit për Mjekësinë Ligjore dhe shërbimeve të ndryshme të specializuara të policisë së kantonit St.Gallen. “Kjo përfshin shkakun e vdekjes së dy viktimave dhe motivin për krimin,” shpjegon Krüsi.
