Në institutin ‘yunus emre’ është zhvilluar ekspozita e kaligrafisë me titull “thënie të Yunus Emre”, që pasqyrojnë mendimin dhe filozofinë e këtij instituti .
Gjatë fjalës së tij, drejtori i Institutit Yunus Emre Shkodër, Zafer KIYICI shprehu kënaqësinë që ndjen ndaj mundësimit të takimit të mendimit dhe filozofisë së Yunus Emre me artdashësit shkodranë.
“Instituti zgjodhi emrin e dijetarit ‘yunus emre” si përfaqësim i vlerave dhe dashurisë njerëzore paqes sociale. emri i institutit tonë operon me një qasje që përqendrohet tek njeriu.
Ky personalitet i shquar nuk është mjaftuar në kontributin e zhvillimit të turqishtes në vjersha dhe poezi por më mesazhe filozofike që kanë për qëllim paqe në bashkëjetesën fetare dhe gjuhësore . vepra janë të përbëra nga thënie mjaft të bukura të shkruara me teknikën e kaligrafisë”.
Fjala e hapjes u ndoq nga fjalimi i artistit Bekim Ndrukaj. Ky i fundit shpjegoi punimin e realizuar si bashkëveprim i teknikës së kaligrafisë mbi sfonde ebruje.
Më pas nxënësit e institutit Omer Fuçia dhe Blerta Mlloja interpretuan disa prej thënieve të Yunus Emre në gjuhën turke dhe shqipe.
Ekspozita e realizuar me pjesëmarrje të dendur të pedagogëve të universitetit, rrethit intelektual Shkodran, artdashësve shkodranë do të mund të vizitohet deri më datë 25 qershor 2018.
