11 kilogramë lëndë narkotike janë sekuestruar në portin e Durrësit, brenda një automjeti, ku një 50-vjeçar, drejtues i vetë mjetit, është vënë nën pranga.

Gjatë kontrollit të ushtruar në vijën e dytë, në pikën e kontrollit të mjeteve, në mjetin tip Opel me drejtues shtetasin Agim Sylejmani, banues në Zvicër, shërbimet e Policisë Kufitare duke përdorur edhe qenin antidrogë kanë konstatuar se në brendësi të automjetit kishte lëndë narkotike.

Gjatë kontrollit të imtësishëm të automjetit në gomën rezervë dhe në brendësi të vendit ku ajo vendoset, policia gjeti dhe sekuestroi në cilësinë e provës materiale 25 pako me lëndë narkotike, me peshë 11 kg, e dyshuar Heroinë.

Materialet hetimore i kaluan Prokurorisë Pranë Gjykatës së Shkallës së Parë Durrës, për veprime të mëtejshme, për veprën penale “Trafikimi i narkotikëve”.

Artikulli paraprakU SHKARKUAN NGA VETTINGU, GJYKATA E STRASBURGUT KËRKON TË DHËNA PËR RASTIN E ALTINA XHOXHAJT DHE BESA NIKHASANIT
Artikulli tjetër11 ZJARRE TË QËLLIMSHME, POLICIA NË KËRKIM TË ZJARRVËNËSVE