Dy shqiptarë, të moshës 25 e 33 vjeç, janë arrestuar nga karabinierët në Firenze pasi janë kapur me mbi 8 kilogramë heroinë, me vlerë tregu rreth 400 mijë euro.
Arrestimi u krye mbrëmë gjatë një shërbimi të karabinierëve, të cilët ndaluan makinën e dy shqiptarëve për verifikime.
25-vjeçari, i cili ishte në timon, sapo pa karabinierët shfaqi shenja ankthi dhe mungesë dëshire për verifikim, çka ngjalli dyshime dhe solli kontrollimin e makinës, ku u gjet droga, 1.1 kile heroinë, e fshehur në hapësira të modifikuara pas radios.
Kontrolli në banesë solli zbulimin edhe të 7.2 kile heroinë, si dhe materialet e mjetet e duhura për përzierje dhe ndarjen në doza.
