Bashkia e Kamzës, një bastion historik i Partisë Demokratike i cili prej 12 vitesh drejtohet nga Xhelal Mziu, nga sot do të drejtohet nga socialistët.
I zgjedhur nga banorët e Kamzës për të drejtuar këtë bashki për katër vitet e ardhshme, Rakip Suli bëri betimin e tij sot teksa deklaroi se menjëherë do të marrë detyrën.
Nga ana tjetër, Mziu se nuk do ta lirojë bashkinë e Kamzës duke qenë se siç është shprehur më herët, nuk i njeh zgjedhjet e 30 qershorit. Ai u bëri thirrje demokratëve që të protestojnë dhe të mos e lirojnë bashkinë, por ata nuk i janë përgjigjur.
As strukturat e PD-së nuk kanë shkuar në mbështetje të tyre. Ndërkohë që në orën 16:00 të zgjedhurit e rinj hapën derën me forcë dhe u futën brenda. Ndërkohë po sot u betuan edhe Drital Leli në Vlorë dhe Lorenc Tosku në Peqin.
Pavarësisht paralajmërimit të Xhelal Mziut, rezistencë nuk ka pasur në bashkinë e Kamzës, teksa dera e institucionit është hapur me forcë, ndërsa jashtë nuk ka pasur militantë apo punonjës të administratës.
Në momentin që të zgjedhurit e rinj u futën brenda, dera u mbyll sërish për të mos lejuar që të futen të gjithë. Ndërkohë që pritet që nga momenti në moment të mbërrijë kryetari i ri i bashkisë Rakip Suli.
Dera kryesore e bashkisë së Kamzës është hapur me forcë nga të zgjedhurit e rinj ashtu sikur ka ndodhur në disa prej bashkive të tjera që drejtoheshin nga përfaqësues të opozitës.