Dikur ish-kandidat për kryeprokuror Ferdinand Elezi drejtues i apelit në Durrës ka dalë para sitës së vettingut.
Pa praninë e një avokati Elezi është përballur me komisionin e vettingut duke kërkuar rikonfirmim në detyrë.
E ndërsa vendimi për të do të jepet më 9 prill pasuria rezultoi i vetmi problem i Elezit nga hetimi i vettingut, blerja e dy apartamenteve në Durrës dhe mospagimi i taksës për fitimin nga qiraja e apartamentit në tiranë pranë Komunës së Parisit.
Elezi u shpreh se ai pasurinë e ka vënë me punë ndërsa taksën për të ardhurat nga qiraja nuk e dinte se duhet ti paguante dhe sapo është njohur me këtë fakt i ka paguar.
I pyetur nëse do të rikandidojë për kryeprokuror, Elezi u shpreh se s’ka ndërmend të aplikojë për numrin një të akuzës.
