Në zgjedhjet e ardhshme parlamentare, të rinjtë duhet t’i përcaktojnë vetë prioritetet e rinisë.
Kjo është nisma e Rrjetit Kombëtar për të Rinjtë në Shqipëri, të cilët nënshkruan gjatë së mërkurës në Shkodër Kontratën Sociale me synimin që të përmbledhin kërkesat e tyre në një dokument të vetëm. Qëllimi i këtyre takimeve që po zhvillohen në shumë qytete të vendit është që të rinjtë të bëhen pjesë e vendimarrjes politike.
