Një sulm me armë ka ndodhur në Shtetet e Bashkuara të Amerikës ku një nëpunës lokal vrau 12 kolegë të tij në bashkinë e Virginia Beach.
Policia tha se incidenti i përgjakshëm filloi kur personi i armatosur hyri në zyrat e bashkisë dhe menjëherë hapi zjarr mbi punonjësit e tjerë.
Disa persona mbetën të plagosur, ndërsa shumica e viktimave u gjeten në tre katet e ndërtesës qeveritare. Katër oficerë hynë në zyrat komunale dhe e gjetën personin e armatosur brenda, duke shkëmbyer zjarr me të. Motivi i sulmit mbetet ende i paqartë.
