Kreu i Kuvendit, Ilir Meta, po flet nga Filadelfia për “Zërin e Amerikës.
Meta është shprehur se prania në Konventën e demoraktëve është një eksperiencë e mrekullueshme për të. Më tej, kryeparlamentari është ndalur te reforma në drejtësi, duke thënë me bindje se nuk do të miratohej pa konsensus. Ndërsa, i ka dhënë plotësisht të drejtë opozitës për rekomandimin 88. “Për mua është një eksperiencë e mrekullushme, pasi jam për herë të paraë në Konventën e demokratëve. Sistemi ynë politik në Shqipëri nuk është sistemi që ne kemi dëshiruar dhe e kemi kompensuar me LSI. Mund të ishte harxhuar shumë pak energji për konsensusin, se sa u harxhua për takime. Të gjithë ata politikanë të cilët nuk i aknë shërbyer konsensusit sipas Venecias kanë frikë nga reforma në drejtësi. Për këtë reformë ka qenë një dhe vetëm një: Konsensus sipas Venecias, edhe nëse opozita nuk pranonte. Opozita kishte plotësisht të drejtë për rekomandimin 88. Unë u binda pasi u takova me Bashën. Qëndrimin ua shpreha edhe ndërkombëtarëve. Rekomandimin e konsultova me ekspertët më të mirë ndërkombëtarë. Shqipëria nuk bën dot përpara pa konsensus”, ka deklaruar Ilir Meta.
