Kryeministri i Greqisë, Kyriakos Mitsotakis tha se Greqia nuk mbështet hapjen e negociatave të Shqipërisë me BE nëse nuk ndryshon qëndrimi për pakicat kombëtare.
Siç tha kryeministri, “Greqia nuk do të pranojë fillimin e negociatave të pranimit me Shqipërinë nëse nuk shoh ndonjë masë praktike për të hequr diskriminimin ndaj pakicës etnike Greke në vend”, shkruan media greke To Vima.
Ai theksoi se e ngriti këtë çështje në kontaktet e tij me liderët evropianë (Macron, Merkel, Rutte) për shkak të debatit të ardhshëm në Këshillin Evropian në tetor.
