Një grua e bllokuar në mes të një treni dhe platformës së tij në Boston, po i përgjërohej të pranishmëve që të mos e thërrisnin ambulancën me justifikimin se nuk kishte para për ta paguar.
A e dini sa kushton një ambulancë? Kushton 3000 $ dhe unë nuk mund ta përballoj-shprehej gruaja e lënduar
Sipas një gazetari të “Boston Globe”, i cili u ndodh në vendngjarje në çastin e aksidentit, gruaja u rrëzua në mes të trenit të metrosë, dhe në një hapësirë asaj i ngeci këmba.
Por edhe pse kishte dhimbje gruaja dukej më e shqetësuar për mënyrën se si aksidenti do ta ndikonte financiarisht sesa nga ana shëndetsore.
Në kundërshtim me lutjet e saj, të pranishmit e njoftuan shërbimin shëndetsor, personeli i fashoi plagën gruas dhe e dërgoi në spital.
Sipas tyre, edhe pse ajo nuk kishte eshtra të thyera, sërish duhet t’i nënshtrohet një operacioni.
